港聞

港聞二

【Emily】明報集團推兩日打針假

【明報專訊】香港展開咗新冠病毒疫苗接種計劃超過3個月,接種率仍然得兩成幾,政府同唔少私人企業近期紛紛推出措施鼓勵僱員打針,例如疫苗假期。明報集團認同打針係對香港好,係盡咗社會責任,今日向員工宣布,即日起向今年底前打針嘅員工提供疫苗假期,每打一劑就會有一日有薪假期,即係兩日假,可以選打針當日或翌日放假。

至於公布措施前已經打咗疫苗嘅同事,都可以申請番假期,需要喺今年內放假。Emily身邊有唔少同事都接種咗疫苗,部分同事打完第二針反應都比較大,例如好攰、發燒、頭痛、肚瀉等等,有人都要請病假休息。Emily上星期打完第二針後都發咗燒兩日,結果兩日例假用咗嚟瞓覺休息,相信唔少同事都會歡迎今次公司呢個措施。

相關字詞﹕明報 疫苗假 新冠疫苗

上 / 下一篇新聞