港聞

港聞二

【Emily】何柱國:林鄭講到自己粵語殘片咁

【明報專訊】特首林鄭月娥日前出席民建聯「治政」研習課程,有報道引述佢話預咗自己一世被美國制裁,做特首同親戚冇往來。全國政協常委何柱國前日喺商台節目《光明頂》話,對林太講嘅嘢「冇注意好耐」,「因為佢講來講去三幅被,一係佢自己點威、點辛苦」,形容林太講到自己似「粵語殘片」、好悲慘咁。何柱國斥對方「自己攞嚟」,強調當時已提醒林太修訂《逃犯條例》會引來美國制裁香港,反問林太「你怨咩辛苦啫?」,做得領導都知道為國家、人民係辛苦,唔係歎世界。

籲港人睇埋下屆特首先諗移民否

喺土地房屋方面,何柱國狠批林太叫停郊野公園邊陲發展研究,否則𠵱家已經有屋可以入住,而做「明日大嶼」需時甚久,揶揄係「明日大愚」。至於移民潮,佢話好多人連外國都未住過,離鄉別井走去英國,「唔係你諗得咁美好㗎,搵份工都難」,奉勸港人唔好衝動離港,「你睇一兩年後邊個接任特首」,先至再決定係咪移民。

相關字詞﹕林鄭月娥 何柱國

上 / 下一篇新聞