港聞

港聞二

【Emily】與香港同行復辦 中學生做官員影子一天

【明報專訊】政府每年都有唔同實習職位,大多數對象都係大專生,2018年起就有「與司局長同行」計劃(之後改名「與香港同行」),畀高中生擔任官員嘅「工作影子」一日,親身體驗高官嘅工作同了解政府運作模式。政務司長張建宗噚日喺網誌話,與香港同行計劃上年因疫情停辦,現時疫情緩和,今年會再推計劃,合資格學生擴至中三至中六,等更多學生有機會參與。

張建宗話,呢個計劃一方面加強官員同青年交流,亦可啟發青年思考未來目標,2018、2019年共有約200名學生參與,唔少學生都話參加計劃後,受到官員鼓勵同啟發,更積極計劃未來,追求夢想。

張建宗:學生受啟發積極計劃未來

計劃預料6、7月分別招募同甄選,8月展開「工作影子」活動,本星期會向全港中學發邀請,張建宗當然會參與,學生有機會做佢嘅工作影子。

上 / 下一篇新聞