港聞

港聞二

【Emily】林鄭何靖連續兩日現身撐民記

【明報專訊】民建聯噚日舉辦兩場義工嘉許禮,相片所見,其中一場至少有幾百人出席,疫情下咁多人出席同一活動都比較少見。民建聯主席李慧琼話,每年見到該黨義工嘉許禮咁盛大嘅場面,就會明白點解民建聯可以不斷成長。

特首林鄭月娥、中聯辦副主任何靖前日出席民記一個研習課程開幕禮後,噚日又再出席義工嘉許禮,認真支持該黨。李慧琼致辭時引用兒歌歌詞「一枝竹仔會易折彎,幾枝竹一紮斷折難」,感謝義工令民建聯屹立不倒。佢又提到國家主席習近平2017年出席G20領導人峰會時引用嘅一句德國諺語,意思大致係「一個人的努力是加法,一個團隊的努力是乘法」,話大家睇到民建聯義工嘉許禮嘅盛大場面,再思考習主席引用嘅說話,就會明白點解民建聯能夠不斷成長。

民建聯話該黨義工逾9700人,凡服務達50小時或以上嘅義工都可獲獎,今年獲獎義工超過6200人。

上 / 下一篇新聞