港聞

港聞二

學童打筋斗倒地 目擊者:喊晒搵爸媽

【明報專訊】沙田有校巴撞壆後衝落單車徑,造成25人受傷。有受傷學童稱校巴衝落單車徑時始煞到車,他在校巴上打筋斗倒地及撞傷,事後與同學受驚哭泣。有目擊司機見到校巴在自己右邊「高速飛過」,事後幫忙照顧學童,形容他們「好驚,喊晒,嗌救命,搵爸爸媽媽」。

大批家長事後趕到現場了解,不少學童受驚落淚,有學童需包紮頭部,由擔架抬上救護車。就讀小二的梁同學事發時坐在校巴左邊第10行,他憶述校巴車速與平日相若,「『嘭』嗰聲好快,都幾驚吓」,「校巴到單車徑才煞到車,跟住(救護)抱我哋落嚟,坐喺石壆度等被人送上救護車」。梁同學即時致電母親,他說當時與大部分同學一樣受驚哭泣,「打咗筋斗跟住就撞到個肚,跌落地下,我𠵱家個肚好痛」。

「高速飛過 斜插落去」 沙石飛至鄰車

目擊意外的客貨車司機余小姐說校巴當時沿大涌橋路快線行駛,駛至火炭路交界時未按路面指示右轉,反而向前衝,「佢(校巴)喺我右邊高速飛過,跟住挨落架寶馬度,打斜插落去,佢高速飛過時啲沙石飛晒上嚟我架車度,好大聲,跟住就聽到『嘭』撞落防撞欄度」。事後她與市民帶同膠布到單車徑照顧受傷學童,她形容大部分學童只是擦傷,但「好驚,喊晒,嗌救命,搵爸爸媽媽」。被撞的寶馬司機潘先生稱當時駕車沿快線行駛,「突然『嘭』一嘢撞埋嚟」,其後就見到校巴衝落斜坡。

相關字詞﹕車禍 校巴

上 / 下一篇新聞