港聞

港聞二

【Emily】生於6月3日 阿臻話八九後冇再慶生

【明報專訊】6月3日係立法會前議員邵家臻嘅生日,佢話自1989年六四事件後再冇慶生,「若我人在北京,1989年是廿歲,應該必然上街,也必死無疑」。阿臻話自己因而有種倖存者嘅情意結,覺得餘生唔再屬於自己,倒不如轟轟烈烈咁活一場。噚日阿臻踏入52歲,佢話會為「我城、手足、囚友、老媽、愛人及自己」許願。

阿臻2019年50歲生日時正喺獄中服刑,形容自己當時萬念俱灰,但囚友知道佢生日後,諗盡方法「變」咗個吞拿魚麵包出來,「我平日嫌腥,但今回三啖兩啖就食完此生日禮物」;另一份生日禮物係囚友嘅手製「硬身包頭袋」。阿臻憶述監房內物資稀缺,連麵包同包頭袋都成為最矜貴嘅嘢。前議員張超雄喺帖文下留言,祝願阿臻心想事成,話下次買個吞拿魚麵包到「石牆花」探阿臻。

相關字詞﹕八九民運 邵家臻 六四事件32周年

上 / 下一篇新聞