港聞

港聞二

【Emily】引1941年《解放日報》文章 鄒幸彤:共產黨曾提「結束一黨治國」

【明報專訊】支聯會五大綱領中嘅「結束一黨專政」近期成為敏感詞,內地學者指這口號涉違《港區國安法》,而特首林鄭月娥噚日被問及「一黨專政」時,就引中國《憲法》來解說。支聯會副主席鄒幸彤噚日就喺facebook刊出一張書本內頁相片,講中共喺建政前,共產黨人提倡「結束一黨治國才有民主可言」嘅文章。

阿彤貼出嘅喺1941年刊於《解放日報》嘅文章,文中提到「唯有黨治結束之後,全國人才,才能悉力從公,施展其抱負……發揮政治上最大的效果」。阿彤留言話,「共產黨自己話要結束一黨治國㗎,邊個夠膽話呢句口號犯法?所以你地(哋)咪為難林鄭了」。

Emily上網睇過,「結束一黨專政」一詞都可以喺內地官媒搵到,如據人民網資料紀錄,已故領導人周恩來於1944年指斥國民黨喺抗日戰爭期間「一黨專政,個人獨裁」。中共前領導林伯渠也曾呼籲國民黨「立即結束一黨統治的局面」,由各黨派合作抗日。

相關字詞﹕支聯會 結束一黨專政 鄒幸彤

上 / 下一篇新聞