港聞

港聞二

【Emily】電子消費券帶挈 八達通商業客「零的突破」

【明報專訊】5000元電子消費券最快下月派發,零售業各路人馬都摩拳擦掌欲搶佔商機,4間參與計劃嘅電子支付平台亦積極備戰。Emily噚日同八達通行政總裁李俊明(Angus)傾開偈,佢話今次消費券令八達通喺開拓商業客戶上出現「零的突破」,以前醫生從來都唔會幫襯佢哋安裝八達通機去收錢,最近終於有偈傾喇。至於個客係邊個?Angus話賣個關子,只肯講係醫療集團,等傾成咗先揭盅。

另一個零的突破係中檔餐廳。Angus話,最近都開始有集團式食肆搵佢哋傾「裝機」,而且已經成事,而所謂中檔食肆係指人均消費500至1000元嘅餐廳。

經過今次疫情,大家都注重咗衛生,多咗用電子消費,但Angus話香港始終都係仲有相當多人「使」現金,希望今次消費券可以推動多啲人習慣電子支付。

上 / 下一篇新聞