港聞

港聞二

【Emily】警察招募日 投考者「信執法人員識分是非」

【明報專訊】自2019年後,警方噚日再辦「警察招募體驗日」,全日1653人參加,192人即場投考見習督察,540人投考警員,22人投考輔警警員。投考者阿明話,希望入警隊拉近市民與警隊距離,又話相信每個執法人員都仍然識分乜嘢叫是非黑白,乜嘢叫做得啱同唔啱,好多時企喺自己立場,就係做自己應該要做嘅嘢,相信大家都會明白。

警察招募組警司陳純青話,投考警隊人數由2019年起有所下跌,當中原因不能單一分析解決,其中一個原因係「巿民意識到警務工作嘅危險性」,同埋警察身分對自身同家人帶嚟好大壓力;去到2020年好多法庭新聞,警隊工作獲肯定,市面轉趨安全,令投考者釋除疑慮,去年起投考數字平穩向上。警隊計劃2021/22年度招募1545人,包括195個見習督察同1350個警員,全年均接受申請。

相關字詞﹕反修例風波 社會事件 警方 警察招募體驗日

上 / 下一篇新聞