港聞

港聞二

【Emily】鼓勵戒煙兼抗疫 6月多區派檸檬

【明報專訊】今日(5月31日)係「世界無煙日」,世界衛生組織將2021年嘅主題訂為「承諾戒煙」(Commit to quit),鼓勵全球煙民喺新冠疫情下立即戒煙。香港吸煙與健康委員會今年用「疫境同行.無煙起步」做主題,配合無煙日舉辦推廣計劃,呼籲市民一齊支持「無煙跑服日」,今日著跑服或運動服同多做運動,由運動做起,一齊投入無煙健康生活。

委員會亦會安排流動宣傳車同街站,喺6月走訪多區宣傳,聯同無煙代言人「咪點我」,一齊「砵」走煙癮同二手煙,仲會向市民免費派發限量檸檬同無煙宣傳品。

今「無煙跑服日」 健康由運動做起

檸檬被視為最佳天然戒煙法寶之一,含有豐富維他命C,有助刺激唾液分泌,不但可紓緩戒煙時常見嘅退癮徵狀,例如口乾、精神難集中等,亦增強免疫力,甚至有效預防骨質疏鬆。

相關字詞﹕香港吸煙與健康委員會 世界無煙日

上 / 下一篇新聞