港聞

港聞二

【Emily】媒人公司「谷針」奇招:一針送諮詢 兩針免費相睇

【明報專訊】政府鼓勵市民接種新冠疫苗,有地產商配合推出「打針送樓」大抽獎。行會成員、經民聯林健鋒(Jeffrey,圖)上星期同Emily講,有媒人公司主動聯絡佢,願意提供相睇服務作為打針誘因。Jeffrey嘅助理一旁補充:「打一針,就可以免費諮詢;打兩針,就可以免費單對單介紹一個對象畀你」,但強調都係初步想法。如果咁啱抽中埋層樓,就真係結婚置業一次過搞掂。

Jeffrey話工商界準備向已打針市民提供優惠,不乏「得意嘢」,形容係「好有創意」,例如相睇服務,透露優惠範圍好廣泛。

林健鋒:工商界建議優惠好有創意

佢話工商界嘅反應好,優惠將由私人企業提供,唔使政府畀錢,最終希望透過推動市民打針,振興香港經濟。

Jeffrey噚日接受無綫節目《講清講楚》訪問話,工商界積極提供優惠,佢認為獎品有噱頭可推動市民打針,「千祈唔好用個『貪』字形容……我哋推出優惠,同時政府亦要加強宣傳、解說」,又呼籲僱主為打針嘅員工提供假期。

相關字詞﹕抽獎 林健鋒 疫苗接種計劃

上 / 下一篇新聞