港聞

港聞二

【Emily】學生製「免提追蹤車」 助鄉郊長者買餸

【明報專訊】嶺大亞太老年學研究中心舉辦「拾步鄉居共建鄉郊STEM設計比賽」,一班中學生設計同製作適合住喺鄉郊長者用嘅科技產品,提升佢哋嘅生活質素。奪得冠軍嘅係天主教培聖中學學生,作品名為「免提追蹤買餸車」,架車有紅外線自動跟蹤功能,長者購物後,可以將物件放入車,唔使拉住沉甸甸嘅車,就可以輕鬆運送返屋企。

嶺大獲香港賽馬會慈善信託基金捐助舉辦計劃,透過唔同活動同推廣,為住喺鄉郊嘅有需要長者提供支援同送上關懷,建構「長者及年齡友善社區」。7間參賽中學12支隊伍要參與STEM課程同考察,探訪住鄉郊嘅長者,體驗佢哋日常生活面對嘅困難,再設計同製作產品。佢哋構思嘅產品都好有創意,好似「智能地氈及蜂鳴助手」、「2020年度地表最強拐杖」等。

嶺大副校長莫家豪話,希望透過今次活動提倡敬老護老,令不同年齡層嘅市民有跨代交流機會,年輕人亦可以深入了解長者對社會嘅貢獻。

相關字詞﹕天主教培聖中學 莫家豪

上 / 下一篇新聞