【明報專訊】新民黨成立10周年，舉辦「我送給爸媽的禮物」填色及繪畫比賽，該黨議員容海恩（Eunice）搵埋囡囡齊拍片推廣活動，兩母女坐喺立法會花園畫畫，囡囡用顏色筆喺填色表上塗畫。比賽分親子組及公開組，填色圖畫分別有男仔及女仔圖案，參賽者可以選擇其中一款參賽。Eunice話，親子組歡迎家長及3至12歲小朋友參加。比賽下月18日截止，成功遞交作品到新民黨辦事處可領取一份DIY禮物，勝出者可獲獎狀、獎座及獎品。
