港聞

港聞二

【Emily】消防區長拒嘟安心 建制向保安局投訴

【明報專訊】建制派組織「N.T.監察聯盟」前日喺facebook話,當日元朗區防火委員會開第一次會,一名代表消防處出席會議嘅區長拒絕用「安心出行」登記,並引述對方話「我係唔會掃安心出行,你畀表我填喇」,而民政處職員話冇登記表提供,登記一事不了了之。「元朗監察議會聯盟」噚日就事件向保安局遞信投訴,聯盟召集人李月民話消防區長「咬住官糧反政府」,違反忠誠同公職人員行為失當。

消防:

人員按安排入會場

民建聯立法會議員梁志祥話,作為公務員,喺抗疫期間應以身作則,又話「安心出行」不涉影響私隱,批評呢名消防區長唔用安心「作為公職人員都幾醜」,擔心中咗招都唔知,如果佢冇打針,「我都唔係好歡迎佢嚟開會」。

消防處回覆話,一直全力配合政府防疫政策,消防處人員使用「安心出行」進入政府大樓或辦公大樓嘅使用率亦非常高,如以「安心出行」進入該處總部大樓嘅比率維持高於97%;至於當日元朗區防火委員會會議,消防指該名人員喺委員會秘書處人員根據相關防疫規定安排下進入會場。

上 / 下一篇新聞