港聞

港聞二

【Emily】「獎勵計劃」資助參賽交流 23行業有份

【明報專訊】終身學習先可以持續進步,2021至22年度資歷架構「學習體驗獎勵計劃」現正接受申請,資助服裝業、珠寶業、餐飲業等23個行業嘅從業員參加世界各地嘅學習活動。計劃星期四(27日)截止報名,得獎者最高可以獲3萬元,參加境內外嘅比賽、研討會、考察團等。

連鎖快餐店經理王偉良係上年得獎者之一,佢參加咗香港餐飲展及亞洲高端食品展,從中認識到食品監察、餐廳管理、清潔消毒等知識,𠵱家望住焗豬扒飯上面嘅菠蘿,佢會提醒其他員工,「6粒菠蘿一定要擺得整齊」。王偉良話,難忘展覽中嘅噴霧式全身消毒機,「機器探測到有人走入去,就會啟動霧化程序,幾秒內消毒全身衣物,達到徹底清潔嘅效果」。佢話疫情打擊餐廳生意,作為管理層,自己都感受到壓力,但展覽為佢帶來新思維,更識得評估餐廳防疫需要。

相關字詞﹕疫情 持續進修 學習體驗獎勵計劃

上 / 下一篇新聞