港聞

港聞二

【Emily】民主黨OCamp「高溫」燒嘢食

【明報專訊】今年5月特別熱,但都無阻一班民主黨實習生嘅活動。話說民主黨多年來都有暑期實習計劃,剛過去嘅周末,一班準實習生同約20名民主黨成員齊齊玩OCamp,包括「松鼠搬家」呢啲必備遊戲,又喺炎熱天氣下燒嘢食,「民主青年」主席陳堡明笑住同Emily講,真係「高溫燒滾了我一切」,但一班實習生反應都好好、好投入。

以往比較少聽政黨實習計劃會搞OCamp,點解今次會搞?陳堡明就解釋,佢哋希望實習生嘅知識唔止局限於區議員辦事處內,而係喺活動過程中,多了解唔同地區嘅做區方法。雖然疫情近日稍為緩和,但佢哋都做足防疫要求,包括參加者要戴口罩、消毒,食飯4人一枱。

有80人參加實習 陳堡明感動

《港區國安法》去年生效、民主派多人被控及還押,今年民主黨實習計劃仍然有約80人報名,最終佢哋錄取約50人。陳堡明笑言見到咁多人報名「有啲感動流涕」,唔少人面試時都話,想了解吓政黨運作,睇吓自己喺政黨、為社會可以做到乜嘢。咁下年仲搞唔搞OCamp?陳堡明話都要視乎今年實習生整體反應點啦。

相關字詞﹕實習 民主黨

上 / 下一篇新聞