港聞

港聞二

【Emily】酒紅色山頂纜車6‧28退役

【明報專訊】酒紅色嘅山頂纜車係港人集體回憶,但纜車公司噚日宣布,第五代山頂纜車將於下月28日退役,第六代纜車會喺今年底到臨。如果想把握機會再搭一次舊纜車,未來數星期係最後召集。年滿65歲或以上嘅長者,可以由噚日起至下月6日,用10蚊購買山頂纜車來回車票及摩天觀景台入場券。

兩架山頂纜車嘅車身,由下月1日起將會換上告別畫作。纜車公司邀請8位本地藝術家,以香港嘅文化、大自然、地標及電影為題,創作出一系列畫作。

推長者10蚊優惠

山頂纜車自1888年啓用至今,服務香港超過130年,由交通工具演變成香港旅遊景點,𠵱家呢款纜車已經伴隨港人32年。纜車服務6月底暫停後,將會展開為期6個月嘅升級工程。

上 / 下一篇新聞