港聞

港聞二

【Emily】民記人叫港奧運代表宣誓 馬逢國:體育政治勿「溝埋」

【明報專訊】由建制派成立嘅「元朗監察議會聯盟」噚日喺facebook出post,要求港區奧運代表要宣誓,仲話要「踢走黑暴運動員」,強調「愛國愛港,宣誓效忠,為港出征」。有轉載呢個帖嘅「元朗監察議會聯盟」成員、民建聯司徒駿軒話,呢個諗法係想貫徹公職人員宣誓,既然代表「中國香港」參賽,就要確保愛國愛港,唔應該宣揚一啲唔啱嘅野。佢話,該聯盟一直有同民政事務局就宣誓事宜保持密切聯繫,有向局方表示除咗議員,所有代表香港出去參賽嘅人都要宣誓。

建制團體:貫徹公職人員宣誓

不過,體育、演藝、文化及出版界議員馬逢國就同Emily講,體育同政治唔好「溝得太埋」,唔好將體育太政治化。佢又認為,運動員外出參賽,背負住地方嘅榮辱同支持者、支援者嘅期望,希望運動員自律,而唔希望加啲咩規定畀佢哋,因為運動員最終要向背後支援佢嘅人、支持佢嘅人負責。

相關字詞﹕馬逢國 元朗監察議會聯盟 宣誓 奧運

上 / 下一篇新聞