港聞

港聞二

【Emily】葉劉又讚MIRROR 網民批不務正業

【明報專訊】男子組合MIRROR、ERROR爆紅,連新民黨主席葉劉淑儀上星期都喺立法會提起佢哋。葉太近日更撰文話香港人渴望有自家偶像,歌手姜濤、MIRROR填補咗呢個空缺;佢又話以前姜濤係肥仔,努力減肥至今,「我覺得他的樣子幾可愛」。不過,有網民就批評葉太「不務正業」,話宣傳偶像唔係議員正務,仲鬧MIRROR質素好低。

葉太話MIRROR絕對唔係小衆,香港娛樂圈已經真空咗好耐,𠵱家嘅盛况多年未見。葉太仲大讚姜濤掙錢養早前中風入院嘅爸爸,「不知感動了多少媽媽粉」。大批網民喺帖下留言,內容彈多過讚,形容組合係「獨MK仔」,話對葉太好失望,「不要人講你又講,跟車太貼實在危險」。建制派屈穎妍噚日喺《大公報》撰文,批評ERROR嘅電視節目《ERROR自肥企画》「賣低俗,以核突娛樂大眾」。

相關字詞﹕屈穎妍 葉劉淑儀

上 / 下一篇新聞