港聞

港聞二

【Emily】酒吧業政總開會前 行家爭執報警

【明報專訊】政府上月推出疫苗氣泡,作為多個行業放寬營業同復業要求,前日(18日)邀請酒吧業及卡拉OK等業界開會,會議前疑有業界爭執,有人報警,最後取消會議。有獲邀出席會議嘅香港酒吧業協會主席錢雋永噚日證實係佢報警,佢話當時同另一名行家爭拗緊一啲問題,由於在場見唔到保安,所以報警求助。

錢雋永:非為疫苗接種爭拗

錢雋永強調,並非因疫苗接種話題而爭拗,但佢無進一步透露細節。佢話前日原本有兩場會議,當局原本安排佢出席4點半嗰場,但周一突然通知佢出席6點嗰場,已感到不滿,後來有出席4點半會議嘅業界同佢講,就係咪會放寬酒吧員工及顧客都要打疫苗,酒吧先至可以營業嘅條件,政府會上未表態,認為開會無進展,唔開無損失。

警方證實,前日傍晚6時11分,一名錢姓男子與陳姓人士喺政總爭執,錢姓男子報警,警方到場調查後,二人已冷靜並自行散去,事件列作糾紛處理。

相關字詞﹕香港酒吧業協會

上 / 下一篇新聞