港聞

港聞二

【Emily】議員「表揚」搬屋公司製垃圾山

【明報專訊】油塘油麗邨秀麗樓後方有個大型垃圾站,長期堆積大型垃圾,甚至多到形成「垃圾山」(圖)。當區區議員王偉麟嘅競選政綱之一就係要解決呢個問題,經過佢明查暗訪垃圾山成因,原來有搬屋公司將邨外搬屋嘅垃圾運到呢度棄置。王偉麟喺facebook踢爆,呢間咁不負責任嘅搬運公司係「誠實搬屋服務有限公司」,「既然誠實搬屋咁樂此不疲地將垃圾堆放到人地(哋)屋企,當然值得獲頒一張獎狀以茲表揚」,獎狀上印咗「不遺餘力整到油麗邨污糟邋遢」(小圖)!並請速遞公司將「表揚狀」送到該搬屋公司。

王偉麟喺fb話,佢上任後已加密咗密斗車嚟處理垃圾次數,仲追查垃圾山源頭。佢連日監察仲拍埋片,終於發現呢間搬運公司疑似將來自邨外嘅家具垃圾棄置垃圾站內,佢馬上向房署舉報,房署翻查閉路電視後證實此事,已向該搬屋公司發警告信。

相關字詞﹕搬屋 房署 油塘

上 / 下一篇新聞