港聞

港聞二

【Emily】迎入獄開Patreon 陳皓桓頭炮貼「密照」

【明報專訊】2019年10月1日遊行涉組織及參與未經批准集結,案件今日開審,10名被告大部分擬認罪,並做好入獄準備。其中民陣召集人、社民連陳皓桓(Figo)同埋吳文遠,噚日分別開Patreon訂閱戶口,希望入獄後有收入幫補。Figo仲貼出「絕密相片」,原來係一張還押嘅岑子杰親吻佢面珠嘅舊相,Figo留言話,「為咗推高Patreon訂閱,可以去到幾盡」,呼籲大家支持。

吳文遠同開戶:撐蕭生不如撐埋我

至於有在囚嘅經驗嘅吳文遠,早已為再入獄做足準備,包括配副合規格眼鏡、洗牙等。佢話開Patreon試吓反應,仲話「撐蕭若元不如撐埋吳文遠」,佢設有6個捐款選擇,最低喺每月10美元,最高捐款額係10萬美元。

上 / 下一篇新聞