港聞

港聞二

【Emily】學校教行動代批評 學生組隊清垃圾

【明報專訊】每逢假日郊野山頭人山人海,屯門區佛教沈香林紀念中學嘅同學就留意到現象背後,衍生出郊野垃圾量增加嘅問題。佢哋經過搜集資料、考察,認真思考建議,最終付諸實行,好似組織學生義工隊清理垃圾、設計及研究向政府相關部門申請增設「不要亂拋垃圾」告示牌等。

沈香林紀念中學校長:希望學生正面看待問題

同學咁有系統去試吓解決自己見到嘅社會問題,係出自學校推動嘅「同創共學計劃」試驗計劃。聽校長呂恒森講,同學透過呢個計劃,學習蒐集資料、整理同分析、實地考察等,探索研究題目,再坐言起行解決社會問題,而學校會預留課時實行計劃,下學年畀中一及中二同學率先參與。呂校長話,希望學生以關懷、慈悲態度了解唔同地方嘅需要,正面、積極看待問題,學習以有系統同正確嘅方式嘗試解決問題或向有關單位提出意見,而唔係只識批評社會現况。

相關字詞﹕呂恒森 佛教沈香林紀念中學

上 / 下一篇新聞