港聞

港聞二

【Emily】還押難履職 林卓廷辭民主黨副主席

【明報專訊】民主黨立法會前議員林卓廷因民主派立選初選,被指涉違《港區國安法》還押逾兩個月,該黨主席羅健熙向黨友發信息,話中央委員會早前收到阿廷信件,阿廷話因為還押、無法繼續履行副主席職務,所以辭任副主席,民主黨會於合適時間安排補選。阿廷亦喺facebook向黨友發公開信解釋,話自己「自由無期,無法履行職責」,但請辭純粹因職務需要,佢「絕不會因為檢控,退出民主黨」,會保留黨籍,希望他日重獲自由,再與黨友繼續為民主事業奮鬥。

羅健熙就話,未來數星期有唔少資深黨員要到法庭應訊,希望黨友能到庭支持。

阿尹孭11控罪 小編籲訂閱幫補訟費

民主黨另一黨員尹兆堅亦因同案還押。阿尹阿廷𠵱家都案件纍纍,阿尹嘅facebook小編就統計,阿尹由2018年6月至今共孭咗11條控罪,由違反限聚令、普通襲擊、藐視罪,到最重嘅《港區國安法》都有;話阿尹做嘅係正確事,但每次打官司都係「燒錢」,孭住11條罪估計最終訟費過千萬,而阿尹係家庭經濟支柱,呼籲支持者訂閱阿尹嘅Patreon幫忙一下。

相關字詞﹕尹兆堅 林卓廷 民主黨 民主派初選 35+大搜捕

上 / 下一篇新聞