港聞

港聞二

【Emily】觀塘噴泉重開 豎告示駐保安 提醒污染池水可被控

【明報專訊】康文署上周話造價5000萬元嘅觀塘海濱音樂噴泉懷疑受梘液影響,而導致大量泡沫出現,啟用幾日就閂咗佢,以排走池水同徹底清潔,事隔一個禮拜噚日重開。Emily到場睇過,互動嬉水區可以入去,不過可能噚日落雨,少人去玩。

Emily見到現場企咗最少兩名保安員睇實個噴泉,仲增設咗圍欄同大型告示牌,大大張告示印住「請勿污染池水,違例者可被檢控」,仲有塊牌中英對照列出《遊樂場地規例》,其中一條寫明「任何人不得在任何遊樂場地內,在任何用作美化環境的湖、池塘、溪澗或水中沐浴、涉水或洗濯」。

日前稱擬追究 康文正尋法律意見

至於之前康文署話會「研究向有關人士採取法律行動以追究責任」,康文署發言人話,正尋求法律意見,暫未能提供進一步資料。藝人「東方昇」早前喺噴泉冲涼,其後康文署關閉噴泉話要維修。

上 / 下一篇新聞