港聞

港聞二

【Emily】前線.焦點2020 《明報》攝記贏7獎

【明報專訊】香港攝影記者協會「前線.焦點2020」周年新聞攝影比賽結果噚日出爐,唔少得獎相片同疫情或實施《港區國安法》有關。《明報》同事贏得7個獎,包括1亞、1季、5優異,其中攝記馮凱鍵喺去年9月6日網民發起遊行要求政府恢復選舉,拍低一對小兄妹畀警員截停,相片喺「突發新聞」組別贏得季軍,同一張相今年已取得4個不同攝影獎。阿鍵另一作品今次亦獲特寫組亞軍。

明報其他得獎作品包括攝記鍾林枝喺去年初因為疫情出現「廁紙荒」時,影低超市貨架清空情况,獲頒「一般新聞組」優異獎;另一攝記曾憲宗去年9月喺大帽山郊野公園,影到郊遊嘅市民遇上野豬「一家大細」出沒,獲得「自然與環境」組別優異獎。攝記鄧宗弘嘅作品,同喺「自然與環境」組別獲優異獎。Emily恭喜得獎同事,亦多謝讀者嘅支持同鼓勵!

上 / 下一篇新聞