港聞

港聞二

【Emily】新民黨10歲 得獎口號出爐

【明報專訊】新民黨今年創黨10周年,佢哋早前舉辦口號創作比賽,邀請黨員諗口號替新民黨慶生。冠軍口號係「十年服務忘你我 新民與你齊共行」,創作者Daisy黨齡近10年,難忘替黨友陳家珮(Judy)助選。Judy自爆2014年參加區議會補選時心情非常緊張,選舉日約朝早6點開始擺街站,一直企到晚上10點幾投票結束,「我一次洗手間都無去過,直頭唔敢行開,腳都痹埋」。

新民黨噚日喺facebook發布Judy訪問得獎者嘅片段,另一得獎者Henry嘅得獎作品係「服務社區逾十載 新民為港創未來」。講開以往喺黨內嘅經歷,Henry都提起幫黨內新界西立法會參選人助選。Judy話自己住港島,憶述當年朝早6點開始幫手擺街站,所以摸黑4點幾起身,搭車入新界西,諗起都覺得辛苦。

相關字詞﹕選舉 陳家珮 新民黨

上 / 下一篇新聞