港聞

港聞二

【Emily】何秀蘭4頁信談獄中生活 鼓勵市民「接受磨練,要活得好」

【明報專訊】立法會前議員何秀蘭(Cyd)喺8.18流水式集會案被判罪成,監禁8個月,佢facebook嘅小編噚日話收到阿Cyd嘅信,形容一封信4頁紙,當然係「大包圍」,提及Cyd喺信中話:「體驗一床一蓆一瓢飲生活,無多餘傢俬。檢(儉)樸得很。每日自行打掃囚室,因本來就很乾淨,每日抹地亦無難度……公飯真係唔難食,並且唔肥膩。至於傳說中嘅星期日奶茶,不過爾爾,空有其表,完全無一杯茶應有的神髓」。

小編將Cyd喺信中寫畀市民嘅打氣說話部分分享,佢同市民講,以平常心喺困難日子接受磨練,要堅持活得好、活得有目標,並提大家要多關心不幸嘅朋友等。佢最後概括:「餘粗平安,好快返嚟。」小編話一眾朋友收到信都覺得好感動,又感恩Cyd活得坦然自在。

上 / 下一篇新聞