港聞

港聞二

【Emily】郭偉强出帖講湊仔 網民諷「教佢打人承父業」

【明報專訊】工聯會立法會議員郭偉强去年5月喺立法會選內會主席期間,拉跌人民力量前議員陳志全,事件不時被翻舊帳。話說郭偉强噚日喺facebook講湊仔心得,話前晚囝囝要表演魔術,佢哋兩公婆好欣賞,仲笑到肚痛𠻹,不過有網民就留言話「教佢打人好過啦,繼承父業」。

留言反擊叫人唔好生

盼囝囝「像我一樣挺身而出」

郭偉强反擊、留言回應該名網民,佢話會教個仔做個「正直勇敢有擔當」嘅人,作為正常家長,會教個仔搵警方處理壞分子,「如他將來有能力保護弱小,能像我一樣挺身而出,我也會鼓勵」,反而叫該網民:「你呢?唔好生了!」

翻查資料,郭偉强去年拉跌陳志全後,陳志全曾提出私人檢控,律政司其後表示冇足夠證據證明控罪,申請介入檢控、不提證供起訴郭偉强,當時獲裁判官批准,下令撤銷私人檢控傳票。

相關字詞﹕郭偉强 私人檢控 工聯會

上 / 下一篇新聞