港聞

港聞二

【Emily】食環AO任元朗民政專員

【明報專訊】時任元朗民政事務專員袁嘉諾2018年曾DQ參選鄉郊代表嘅立法會前議員朱凱廸,政府噚日出稿公布元朗民政專員換人,由食物環境衛生署高級政務主任(街市特別職務)胡天祐(圖)接替,今日上任。胡天祐喺2008年加入政務職系,曾於多個政策局同部門工作,包括政制及內地事務局、環境保護署及民政事務總署。

袁嘉諾前日最後一次出席區議會會議,佢仲請議員食日本蘋果,不過民主派區議員、「朱凱廸新西團隊」陳敬倫就喺facebook表明唔賞面。鄉事派元朗區議員沈豪傑喺fb話,建制派區議員喺會上按慣例提出「致謝動議」,感謝袁一直盡心盡力為民服務,2018年「山竹」襲港,999無人接聽,專員協調各部門幫忙處理塌樹,仲親自去清理垃圾同樹枝;疫情期間統籌各項地區抗疫工作,包括派發口罩、安排檢測站、強制檢測和圍封大廈等艱辛工作。但最終民主派集體離席,令會議流會,致謝動議未能通過。

相關字詞﹕袁嘉諾 民政專員 民政事務總署 元朗

上 / 下一篇新聞