港聞

港聞二

【Emily】張華峰慶生 切「否決印花稅」蛋糕

【明報專訊】經民聯金融服務界議員張華峰(肥老闆)下星期69歲生日,噚日一班黨友喺立法會替佢提早慶生。肥老闆因為反對政府增加股票印花稅,噚日審議《財政預算案》時投下棄權票。助理準備嘅生日蛋糕,個牌仔就有「否決印花稅」幾個字。肥老闆話自己「第一次反對政府一個議案」,隔籬嘅黨友石禮謙連忙補充:「你無反對,你棄權啫」,又讚肥老闆「大個仔喇,表達到業界意見」。

經民聯議員替肥老闆慶生,民建聯主席李慧琼都特登走嚟講聲「生日快樂」。肥老闆希望日後立法會可以順風順水,各政策順利執行,社會能夠更加和諧、穩定、繁榮。

除咗立法會值得關注外,特首「跑馬仔」亦係近日話題。行政會議成員湯家驊前日受訪力撐特首林鄭月娥連任,引用英文諺語「The devil you know better than the devil you don't(熟悉的魔鬼較不熟悉的好)」。不過,同為行會成員嘅林健鋒噚日就話,自己認識嘅人,無一個係魔鬼。

相關字詞﹕立法會 股票印花稅 張華峰

上 / 下一篇新聞