港聞

港聞二

【Emily】主持港台節目 與選委代表論政改 林鄭:玉山,你「未」係立會議員

【明報專訊】由特首林鄭月娥主持嘅港台電視節目《選委界別分組面面觀》噚日首播,首兩集邀請咗基本法委員會委員黃玉山、九龍社團聯會會長陳振彬出席,佢哋分別代表選委會法律界及「基層社團」。立法會選舉年底舉行,林太同黃玉山對談時突然話,「玉山,你未係立法會議員」;又問陳會否鼓勵基層團體嘅成員參選。莫非林太有意透露玄機?

林太早前預告,會親自出馬主持電視節目,同選委會各個界別嘅代表討論今次政改。節目噚日喺港台電視31台首播,一連播放兩集。

稱多次參加九龍聯會活動

「基層社團」坐擁60個選委會席位,九龍社團聯會嘅成員有份投票選出。陳振彬就話,九龍社團聯會有逾300個屬會,會員超過30萬人,一直都有新嘅地區組織加入聯會,但加入要先經理事會批准。林太就話自己以往擔任唔同政府公職時,幾乎都曾參加聯會嘅活動。 陳振彬被問會否鼓勵他人參選時回應話,自己鼓勵社會用人唯才,鼓勵唔同人進入議會,包括年輕人。

同黃玉山對談期間,林太解釋選委會內有360幾名當然委員,包括立法會議員、全國人大港區代表等,佢話黃「未係立法會議員」,但係36名港區人代其中一人、法律界分組中基本法委員會委員,話黃有雙重身分。

相關字詞﹕陳振彬 黃玉山 選委界別分組面面觀 特首林鄭月娥 選舉制度

上 / 下一篇新聞