港聞

港聞二

【Emily】讚「最開放」 湯家驊想林鄭留任

【明報專訊】特首選舉下年3月舉行,作為特首林鄭月娥智囊嘅行政會議成員湯家驊(Ronny)已經講定,想林太留任。Ronny接受團結香港基金成立嘅評論網媒「思考香港」專訪,形容林太的確有好多短處,但都有好多長處,佢喺合作過程中感受到林太包容不同意見。Ronny並大讚,現屆政府中開明派或者民主派或第三路線派別嘅人比例,已遠超過以往咁多屆政府,林太「已經係最開放特首」。

Ronny透露,佢眼中嘅林太有時會受不同聲音打動,當然唔係百分百,佢有自己考慮,知道好多事情係唔能夠講出嚟。Ronny引述英語名言「the devil you know better than the devil you don't」(熟悉的魔鬼較不熟悉的好),佢目前認為林太朝呢個方向,將政府開放多啲、容納更多不同出處嘅人,拉闊啲個政治光譜,「我覺得好過重新去開始過」。

自稱無興趣做律政司長

擔任民主思路召集人嘅Ronny話,民主思路定位為智庫,唔係以選舉為主調,相信未來有條件為政府提供更多管治人才。至於佢自己,佢認為加入行政會議約4年,影響力較過去擔任11年立法會議員生涯大,但佢就無興趣做律政司長喇。

相關字詞﹕特首選舉 連任 特首 林鄭月娥 湯家驊

上 / 下一篇新聞