港聞

港聞二

【Emily】韓正蒙着嘴唱:我哋大家~~

【明報專訊】已故巨星羅文嘅金曲《獅子山下》街知巷聞,連主管港澳事務嘅國務院副總理韓正都識唱。韓正上周五到廣州出席「第35期港澳青年創業分享會」,同當地創業嘅港澳青年見面;座談會結束後,韓正邊打拍子,邊同在席青年合唱《獅子山下》。

與廣州創業港澳青年見面

「香港再出發大聯盟」facebook前日公開合唱片段,雖然韓正戴住口罩見唔到個嘴,但佢不時點頭,似乎相當投入。

韓正當日去到廣州市天河區嘅「港澳青年之家」,喺座談會上鼓勵創業青年積極參與粵港澳大灣區建設;佢同時要求廣東省委、省政府為創業青年提供更多支持。韓正上星期喺廣州主持「粵港澳大灣區建設領導小組會議」,特首林鄭月娥都有出席,其後同澳門特首賀一誠獲韓正接見。

相關字詞﹕廣州 特首林鄭月娥 韓正 獅子山下

上 / 下一篇新聞