港聞

港聞二

【Emily】選舉處來信話有3票 區議員話要裱起

【明報專訊】人大常委會改本港選舉制度,區議會選委界別取消;區議員(第一)立法會議席亦取消。沙田區議員黃文萱近日接獲選舉事務處確認選民資格信件,當中話佢係立法會直選、「區議會(第一)」界別同選委會新界各區議會界別選民/投票人,黃文萱話應該算歷史遺物,會裱起佢。

選舉事務處早前話,如修例獲立法會通過,計劃6月有特別安排,為選委會界別分組投票人做選民登記,同埋為立法會功能組別中,新符合資格同受影響選民處理選民登記事宜。

仲係「選委會區議會界別」投票人

政制及內地事務局喺fb出post,提到無論屬於乜嘢功能界別、或者選委會界別分組,要投票、參選、做當然選委或提名選委,都要先登記做地方選區選民,呼籲5月2日前登記。

上 / 下一篇新聞