港聞

港聞二

【Emily】鍾錦麟獄中讀報 撈廣告汁解饞 引林欣彤歌詞寄語港人

【明報專訊】民主派初選案36人仍然還押,Emily近日接獲西貢區議會主席鍾錦麟(Ben)回信,佢透露喺獄中好鍾意睇超級市場同埋酒牌廣告,因為佢一向為食,可藉此回味過往美食。Ben係林欣彤嘅歌迷,佢引用林欣彤歌曲《親愛的巨人》嘅歌詞寄語港人:「不想你淪為敗瓦,這傷口總會結疤。」

Ben嘅囡囡去年出世,現時未夠1歲,要同囡囡暫別,Ben話非常感謝太太撐住頭家、照顧囡囡。

阿尹肺有陰影 要做CT同MRI

同樣身陷囹圄嘅民主黨尹兆堅,facebook專頁發帖透露阿尹最近收到醫院通知,佢過往曾因為衝突入院,當時做嘅身體檢查顯示佢身體有問題,要排期去做CT同MRI(電腦掃描同磁力共振),令人好擔心。民主黨黎敬瑋同Emily講,醫生話阿尹肺部有陰影,所以要做詳細檢查。

阿尹嘅fb小編就話,阿尹做議員咁耐,每朝開街站、開會、見街坊,每晚夜瞓睇文件,加上常走在前線做肉盾,身體開始出現大小毛病,但探佢時佢都只係講驗血三高指數正常,唔想他人擔心;當一眾員工發現醫院通知時,阿尹只係皺眉話「要入院做番啲檢查睇吓邊度出問題」。

Emily祝阿尹身體健健康康!

相關字詞﹕鍾錦麟 民主派初選案 民主派初選 尹兆堅

上 / 下一篇新聞