港聞

港聞二

【Emily】立會辦公室人滿 梁君彥話或建側翼

【明報專訊】立法會議席將由70席增至90席,立法會辦公室人滿之患點算好?立法會行管會早前商討,方案包括附近租辦公室、加建,立法會主席梁君彥就透露,喺附近興建側翼都係方案之一。

立法會前主席曾鈺成主持港台節目《議事論事》,特意重返舊地、去立法會主席辦公室訪問梁君彥。梁君彥話會議廳本身可以坐120人,加10張櫈就夠。至於辦公室,佢話議員辦公室目前欠20間房,可能要喺附近租辦公室,亦可能加建大樓;另一方案就係喺附近搵地建側翼。

今年放長暑假 或要改議事規則

曾鈺成就認為,最妥善係加建大樓,又話以往如有大型工程會喺暑假做。梁君彥話放暑假有新問題,因為議事規則規定,同一會期不能隔6星期唔開會,以往可放3個月暑假,係因為處於兩個不同會期,「(今年)係咪唔可以放咁長暑假,抑或要改議事規則?」佢話如果要加建大樓,就真係要3個月唔開會趕工啦。

立法會選舉12月舉行,梁君彥話邏輯上12月底完結會期,不過都有唔少問題,舉例《施政報告》1月定10月發布,都要再同政府配合。

相關字詞﹕議事規則 曾鈺成 梁君彥 立法會選舉

上 / 下一篇新聞