港聞

港聞二

【Emily】半億元觀塘音樂噴泉今啟用 設互動區

【明報專訊】造價5000萬元嘅觀塘海濱音樂噴泉今日啟用,民政事務總署話,整個項目佔地3740平方米,包括音樂噴泉、互動嬉水區及休憩草地,以電腦程式控制,當中互動嬉水區設有感應裝置,當感應到有人接近時,噴嘴會噴出各種形態嘅水柱,等市民互動玩樂。

平日設3表演時段 假日增兩節

民政總署噚日發稿宣布音樂噴泉今日啟用。新聞稿話音樂噴泉由民政總署、建築署及康文署合作建成,係第四屆觀塘區議會建議推行嘅社區重點項目計劃,但就無提及現屆區議會。

觀塘區議會主席蔡澤鴻就話,音樂噴泉花咗半億公帑興建,其間爭議不絕,佢話呢個項目由區議會主導,政府向立法會申請撥款時曾稍改計劃,但無再諮詢區議會,認為程序上欠公允,現屆區議會要求查閱合約細節,以研究能否縮減規模,又遭政府拒絕,佢話最快會於下星期向申訴專員投訴民署行政失當。

民政總署話,音樂噴泉同互動嬉水嘅運作時間為每日上午8點半至晚上10點半。音樂噴泉逢星期一至五下午均有3節表演時段;周末、周日及公眾假期除原有3節表演時段外,亦會於上午及晚上各加開一段表演時段,增至5節表演。

相關字詞﹕觀塘海濱音樂噴泉

上 / 下一篇新聞