港聞

港聞二

【Emily】陳日君為612拍片 籲用機警方法捐款

【明報專訊】反修例示威相關案件接連上法庭,「612人道支援基金」呼籲市民捐款支援被捕者;基金4月份目標籌集1500萬元,截至噚日籌得約920萬,距離目標仲差575萬。基金信託人之一、天主教香港教區榮休主教陳日君樞機拍片呼籲市民月捐(圖),幫助喺獄中嘅兄弟姊妹。

612鼓勵月捐 免銀行結餘太多

陳日君話,香港𠵱家變得好特別,好多嘢都要特別小心,建議大家用較機警嘅方法,適應呢個時代咁安全捐款,佢鼓勵市民採用月捐方式。612基金話,月捐為佢哋提供更穩定嘅收入,同時令可動用現金結餘保持喺一個較低水平,唔使擔心太多現金結餘存喺銀行。

陳日君話去探監時,好多次都聽到在囚手足感覺平安,因為知道外面有人關心自己,佢哋唔係孤軍作戰;陳呼籲市民捐款畀612基金,「我哋嘅支持係佢哋平安嘅一個基礎」。

相關字詞﹕反修例運動 陳日君 612人道支援基金

上 / 下一篇新聞