港聞

港聞二

【Emily】黃國健問「手配業」係乜 謝偉俊幫政府答

【明報專訊】立法會法案委員會噚日朝早繼續審議修改選舉法例,討論內容已去到逐條法例審議,涉及唔少技術問題,噚日4個鐘頭會議,政制及內地事務局長曾國衞基本上都係做聽眾,冇答過議員提問,主要由常任秘書長鄧忍光解答。本身係律師嘅建制派議員謝偉俊反而經常喺會議上,幫政府解答議員林林總總嘅問題。

官員揭書10秒 「應係協會嚟」

工聯會黃國健就問到,立法會旅遊界功能組別嘅團體選民中,「有一個叫『香港日本人旅客手配業社協會』係咩嚟㗎?」官員用咗10秒揭完一輪書後,政制局常秘鄧忍光就話「應該係一個旅行社協會嚟」。黃國健繼續追問:「手配業係咩?」

出任過旅遊界議員嘅謝偉俊話,該協會係旅遊界八大商會其中一個較老資格嘅商會,成員專辦日本旅行團。黃國健又問點解叫「手配業呢?」,謝偉俊解釋,「有啲Japanese term係咁」。根據協會網站,該會會員主要接待日本旅客,安排喺港澳及中國各個城市觀光等。手配,日文大概解作安排、準備嘅意思。

相關字詞﹕廖長江 梁美芬 立法會法案委員會 謝偉俊 黃國健 修改香港選舉制度

上 / 下一篇新聞