港聞

港聞二

【Emily】鍾翰林獄中過生日 阿臻請大家送祝福

【明報專訊】前學生動源召集人鍾翰林因被指涉嫌違反《港區國安法》,還押超過半年,立法會前議員邵家臻噚日去咗壁屋懲教所探佢。阿臻話聽日(22日)係鍾嘅生日,叫請大家寫信畀佢送上祝福。鍾翰林又話知道唔少「手足」被捕,佢自己已有最壞打算,認為今時今日參與社運必須要有最壞打算。

勤做運動多讀書 同懲教相處OK

阿臻話,鍾翰林話自己囚禁期間反而肥咗少少,佢有勤做運動、多讀書,有搵世界各地有關民主運動嘅書嚟讀,例如《台灣最好的時刻》、《妖風》、《庫德的勇氣》、《獨立革命的世界史》、《民族的重建》等。鍾又透過阿臻同大家講,喺懲教所同職員相處OK,叫大家放心。

另外,阿臻5月將出版新書《石牆生花——坐監記及其他》,話呢本其實係增訂版書,即除咗有之前出版嘅《坐監記》內容外,新增咗有關監房文化嘅詳細描述,以及提出獄政改革嘅建議。

相關字詞﹕石牆花 港區國安法 鍾翰林

上 / 下一篇新聞