港聞

港聞二

【Emily】台灣新聞攝影賽 明報奪兩獎

【明報專訊】台灣新聞攝影協會舉辦嘅「2021台灣新聞攝影大賽」公布得獎名單,唔少本港傳媒嘅攝影記者都得獎,相片大多與《港區國安法》、本港唔同示威等事件有關,《明報》攝記馮凱鍵就奪得兩個獎。其中一張得獎相片,係上年9月6日網民發起佐敦遊行要求政府恢復選舉,當時警方喺旺角西洋菜南街大規模搜捕市民,馮拍低一對兄妹被警員截停一刻,呢張相贏得「突發新聞類」項目第二名。

另一張相,係前香港眾志成員周庭上年涉違反《港區國安法》被捕,馮凱鍵拍低周庭坐喺警方車被帶走嘅情况,相片奪得「突發新聞類」項目優選。Emily恭喜得獎同事,亦多謝讀者一路以嚟嘅鼓勵同支持。

相關字詞﹕明報 攝影記者 新聞攝影

上 / 下一篇新聞