港聞

港聞二

【Emily】有心人送贈 議辦派南瓜大受歡迎

【明報專訊】區議員派「蛇齋餅糉」就聽得多,但喺議辦派南瓜真係少見。民主黨沙田區議員曾素麗(圖)噚日搞派南瓜活動,當區居民憑住址證明就可以免費拎到一個,話先到先得、送完即止,結果幾個鐘頭之內火速派晒逾百個南瓜。

曾素麗同Emily講,呢批南瓜係由有心人送贈,話南瓜表面有少少瑕疵,如果拎出去賣,未必賣得好,有心人認為與其浪費棄掉,不如送畀市民享用。呢批南瓜堆滿議辦門口,見到啲南瓜又大又靚,曾素麗就話,有街坊拎咗南瓜後,話打算整南瓜蛋糕。佢話以住都有人會送贈快將到期嘅產品,但送咁大批南瓜真係未試過,所以收貨後要即刻派發,以避南瓜放得太耐腐爛。

相關字詞﹕區議員 曾素麗

上 / 下一篇新聞