港聞

港聞二

【Emily】被指港鐵爆粗 區議員收擬檢控通知書

【明報專訊】口罩近期不時成為矛盾嘅根源。熱血公民大埔區議員黃兆健噚日搭港鐵時,喺車廂內畀一名休班警要求戴番好個口罩,黃仲話對方問佢係咪「黑暴」。雙方衝突升級,後來有軍裝警員、港鐵職員到場處理,黃兆健被指喺港鐵範圍內講粗口,涉違反港鐵附例,收到一張「擬檢控通知書」。

黃兆健同Emily講,認為事件係警員以防疫理由,阻撓、滋擾佢,佢強調當時有戴口罩,及後亦無收到「口罩令」嘅告票。

至於點解會拉到「黑暴」嘅問題,黃話個口罩係灰色,佢嘅衣著亦無特別,自己都唔知咩事。黃兆健話其後被帶去站長室,有個乘客其間拍片,指控佢講粗口;佢就拒絕評論係咪真係有講粗口。

上 / 下一篇新聞