港聞

港聞二

北角同類舖多 開張日踩板「拉客」奏效

【明報專訊】航空業前員工Dan及現職航空業的Eric上月中嘗試轉換航道,在北角開超市。不過他們同時發現北角不少同類型店舖,商品價格偏低,Dan說唯有「煮到埋嚟就食」,他們點子多多,開業首日踩滑板「拉客」,「問佢,你知唔知邊度係『樓下』超市(店名)?佢答唔知我就話,咁不如我帶你去?」想不到客人都頗受落,成功吸引部分人光顧。

「樓下生活超市」位於馬寶道,同一條街另有兩間同類型的小型超市,兩條馬路外又有優品360。Dan說,他們每周都會把精選產品放在店門吸客,「全部都係親身食過、用過」。他們會向批發商大量入貨存倉,以較低價售賣,例如日本洗衣液賣60元3支,比外間低兩三成。客人謝先生就是被精選貨品吸引,他趕船之前行經超市,「其實我唔係特登嚟,但見到佢Oreo賣15蚊兩包,好平,順便又買埋其他嘢」。

老人區多買麥片 成本價出售

除此以外,Dan指北角是老人區,多長者買麥片,故以成本價16元出售800克一包麥片,又把老人家喜歡的款式放在較容易拿到的位置。他說自己不是社企,「但希望除了賺錢之外,都可以考慮唔同人嘅需要」。

相關字詞﹕超市 航空業

上 / 下一篇新聞