港聞

港聞二

【Emily】一齊爭建𨋢多年 黨友嘆無法同阿尹分享喜訊

【明報專訊】民主黨尹兆堅因為民主派初選案而被收押,佢嘅黨友、葵青區議會議員梁國華就喺facebook發帖,話阿尹跟黨友十幾年來無數次請願及提出方案,爭取喺地區建升降機,噚日喺區議會終於「成功爭取」,話路政署正式提出建議興建兩座升降機塔同埋架空天橋,連接和宜合道同大隴街,方便長者及輪椅人士。梁慨嘆噚日喺會議室內,原本坐身邊嘅阿尹已身陷囹圄,唔能夠分享喜訊。

梁國華又話,執拾時搵到一張阿尹動態怪怪嘅請願相片,相中有時任運房局長張炳良,遞信嘅係梁國華,而阿尹就喺後面。梁國華話張相應係2014年某日影,當時阿尹收到消息話張炳良會出席荔景邨一項長者義工活動,佢哋於是拉隊去請願,要求興建升降機及扶手電梯,而正當大家向局長遞請願信之際,阿尹接到街坊緊急救助電話,隨即示意:「你哋映(影)啦,唔使等我。」阿尹就急急腳走咗。

上 / 下一篇新聞