港聞

港聞二

【Emily】郭偉强牛一 從此講埋國安教育

【明報專訊】工聯會議員郭偉强噚日生日,撞正「全民國家安全教育日」,佢同Emily講感覺都幾特別,因為以後生日除咗講屋企、朋友,都要講埋國安教育,舉例佢噚日下午做完住家男人買餸後,都去中環參觀國安教育展。

郭偉强噚日踏入43歲,獲同事慶生,被問生日願望,佢話希望國家富強、香港社會穩定,自己嘅小朋友快高長大,日後貢獻國家。

立法會選舉近了,競逐連任係咪生日願望之一?郭偉强話工聯會會喺各層面服務市民,冇講自己會唔會參選。不過立法會即將審議「電話簿咁厚」嘅修訂選舉制度《條例草案》,郭偉强話幾考功夫,但相信議員樂意加班。

相關字詞﹕立法會 國家安全教育日 郭偉强

上 / 下一篇新聞