港聞

港聞二

【Emily】蔣麗芸倡港官「下鄉縣」 聶德權「同意」

【明報專訊】內地文革曾鼓勵知青「上山下鄉」,民建聯蔣麗芸(Ann姐)噚日喺立法會特別財委會建議官員日後「下鄉縣」實習,「落啲(內地)縣呀、鄉呀,佢哋會得到好大裨益,日後工作會更了解一啲基層問題」;公務員局長聶德權表示「同意同意」。

Ann姐問到,2019年有1000個公務員到內地培訓,關注未來一兩年會否增加人數及培訓方式,如「考慮畀呢啲官員實際到內地工作6個月、1年實習呢?」聶德權喺會上話,有中高級公務員會去內地培訓,包括國家行政學院、北京大學、清華大學等上堂,裏面已包括考察及交流活動,政府正研究未來進一步增加名額,並讓比較基層嘅公務員參與,又希望有公務員到內地單位「掛職」一段時間。

相關字詞﹕立法會 聶德權 公務員 蔣麗芸

上 / 下一篇新聞