港聞

港聞二

【Emily】旅遊專員調做海洋公園CEO

【明報專訊】政府噚日突然宣布,旅遊事務專員黃智祖5月1日借調海洋公園公司做行政總裁,為期約6個月。商務及經濟發展局長邱騰華話,海洋公園行政總裁懸空一段時間,由其他人署任,但公園重新發展計劃如箭在弦,就有關職位招聘嘅同時唔應該白等。黃智祖嘅薪津會沿用公務員編制,由政府承擔。

現任總裁陳善瑜

任期未完轉任總經理

舊年6月海洋公園李繩宗退休,時任公園首席財務總監暨公司秘書陳善瑜接任行政總裁,任期只係到今年6月30日。海洋公園噚日宣布5月1日起陳善瑜轉任「總經理」,呢個係新開職位,做到另行通知,確保公園推展未來策略時,保持運作暢順。但公園就無交代點解陳善瑜任期未完就轉職。

海洋公園主席劉鳴煒會繼續同遴選委員會就公園行政總裁一職展開全球招聘。劉鳴煒話好高興黃智祖可以喺公園做轉型籌備工作,實踐未來發展策略,為公園帶嚟領導支持;又話黃智祖有深厚旅遊同經濟發展經驗、管理專長,對娛樂同創意產業相當了解,可以喺公園業務、營運重組同創新訪客體驗各方面帶嚟睿智觀點。

上 / 下一篇新聞