港聞

港聞二

【Emily】政制局長公務員局長年薪「減」11萬 減後407萬

【明報專訊】問責官員一向高薪,政府近日回覆立法會特別財委會嘅議員提問,Emily發現政府為政制及內地事務局長、公務員事務局長預留嘅薪酬開支,同樣由2020/21年度嘅418萬年薪,減少至2021/22嘅407萬元。兩局人選去年4月底都曾有變動,政制局長由聶德權變曾國衞;公務員事務局長就由羅智光變聶德權。

翻查資料,特首林鄭月娥去年4月喺記者會宣布,同問責團體會齊齊減薪一成,歷時一年,意味佢哋年薪減至約376.2萬,各人2021/22年度嘅預算薪酬開支比呢個數字增加約8%,但都未回復減薪前嘅數字。

阿鼎分國籍問法官薪津人數

司法機構:冇國籍統計資料

近年建制派好關注司法議題,民建聯周浩鼎就喺預算案提問中問到法官人數及薪津資料,仲分為「本地法官/中國籍法官」、「非本地法官/非中國籍法官」。不過,司法機構政務長梁悅賢回覆時話,冇備存法官及司法人員獲任命時嘅國籍統計資料,並引述《基本法》指除咗終審法院及高院首席法官兩個職位外,基本法並無對其他法官及司法人員國籍作規定。

相關字詞﹕公務員事務局 司法機構 政制及內地事務局 聶德權 立法會

上 / 下一篇新聞